Pucin pavinšavaŭ z Novym hodam tolki troch jeŭrapiejskich lidaraŭ. Nu i Łukašenku, kali takuju Biełaruś ličyć Jeŭropaj
Pierad Novym hodam zamiežnyja kiraŭniki rassyłajuć vinšavańni.
30.12.2023 / 13:37
Fota: Contributor / Getty Images
Uładzimir Pucin, naprykład, adpraviŭ vinšavańni tolki trom jeŭrapiejskim lidaram: premjeru Vienhryi Viktaru Orbanu, prezidentu Sierbii Alaksandru Vučyču i Papu Francišku, jaki taksama źjaŭlajecca kiraŭnikom Vatykana.
U vinšavańni Łukašenki rasijski kiraŭnik źviarnuŭ uvahu na toje, «što ŭ 2023 hodzie Rasija i Biełaruś plačo ŭ plačo ŭpeŭniena pieraadolvali surjoznyja vyprabavańni, paśpiachova procidziejničali varožaj palitycy kalektyŭnaha Zachadu i abaraniali svaje zakonnyja intaresy na suśvietnaj arenie, efiektyŭna kaardynavali namahańni ŭ mižnarodnych spravach».
Taksama ŭ vinšavavańni była dadziena vysokaja acenka tavaryskim adnosinam z Alaksandram Łukašenkam.
Pavinšavaŭ Pucin taksama kiraŭnikoŭ SND, uklučna z premjeram Armienii Nikołam Pašynianam.