Z boku Ukrainy na terytoryju Polščy zalacieŭ nieapaznany abjekt
Apieratyŭny kamandzir uzbrojenych sił pryvioŭ u dziejańnie najaŭnyja ŭ jaho rasparadžeńni siły i srodki.
29.12.2023 / 13:21
Ilustracyjnaje fota. Straž graniczna
Ranicaj u pavietranuju prastoru Polščy z boku miažy z Ukrainaj zalacieŭ nieapaznany pavietrany abjekt, jaki z momantu pierasiačeńnia miažy da miesca źniknieńnia sihnału naziraŭsia radyjołakacyjnymi srodkami sistemy SPA krainy.
U adpaviednaści ź dziejučymi pracedurami apieratyŭny kamandzir uzbrojenych sił pryvioŭ u dziejańnie najaŭnyja ŭ jaho rasparadžeńni siły i srodki.
Jak paviedamlaje rmf24-pl, abjekt zaŭvažyli žychary hminy Daŭhabyčaŭ Lublinskaha vajavodstva. Havorka idzie pra rajon vakoł Pševodava — mienavita tut hod tamu vybuchnuła rakieta, jakaja prylacieła z-za miažy.
Śviedki paviedamili, što čuli mocny šum i śvist, a abjekt ruchaŭsia na zachad. Praniknieńnie abjekta było zaŭvažana sistemami vajskovych słužbaŭ. Infarmacyja, što adbyŭsia vybuch, nie paćvierdziłasia.
Žurnalisty miarkujuć, što heta było tolki karotkačasovaje parušeńnie polskaj pavietranaj prastory i hety nieapaznany abjekt viarnuŭsia va Ukrainu.
Čytajcie taksama:
U vyniku rasijskaj rakietnaj ataki na Ukrainu zahinuła 12 čałaviek, 75 paranienych
Čatyry čałavieki zahinuli ŭ vyniku abstrełu Dniapra, dvoje ŭ Adesie, adzin u Kijevie
«Stolki celaŭ adnačasova na našym manitory my jašče nie bačyli», — śpikier Pavietranych sił Ukrainy