«Stolki celaŭ adnačasova na našym manitory my jašče nie bačyli», — śpikier Pavietranych sił Ukrainy
Nastupstvy načnoha i ranišniaha ŭdaru rasiejcaŭ pa Ukrainie.
29.12.2023 / 10:14
«Stolki celaŭ adnačasova na našym manitory my jašče nie bačyli», — śpikier Pavietranych sił Jury Ihnat prakamientavaŭ nastupstvy rakietnaj ataki.
Pavodle jaho słoŭ, Rasija siońnia zapuskała ŭsie rakiety, akramia «Kalibraŭ». A mienavita — «Kinžały», balistyku, S-300, kryłatyja rakiety, BPŁA, Ch-22 abo Ch-32.
Kala 18 stratehičnych bambardziroŭščykaŭ zapuskali Ch-101/Ch-505.
U Padolskim rajonie ŭkrainskaj stalicy haryć skład: šmat paranienych. Ich kolkaść udakładniajecca. Ahoń achapiŭ kala 3000 m2, paviedamlaje haradskaja administracyja.
U Śviatošynskim rajonie hareli niezasieleny šmatpaviarchovik i try pryparkavanyja aŭtamabili. Adzin paciarpieły.
U Šaŭčenkaŭskim — paškodžańni žyłoha doma, hareli haražy, składy i niežyłaja zabudova, 6 paciarpiełych.
U Darnickim — paškodžańnie žyłoha doma.
Adzin sa snaradaŭ trapiŭ pa stancyi mietro «Łukjanaŭskaja», ciahniki na joj nie spyniajucca.
Čytajcie taksama:
Nočču i ranicaj adbyvajecca masiravanaja ataka na Ukrainu rakietami i bieśpiłotnikami
U Lvovie, Charkavie i Čarkasach unačy prahučali vybuchi
Vajskovy ekśpiert daje prahnoz pa situacyi na froncie va Ukrainie na nastupny hod