U Lvovie, Charkavie i Čarkasach unačy prahučali vybuchi
Uviečary 28 śniežnia Rasija zapuściła na terytoryju Ukrainy ŭdarnyja bieśpiłotniki z poŭdnia i poŭnačy: ciaham nočy jany dalacieli da Vałynskaj i Lvoŭskaj abłaściej.
29.12.2023 / 07:44
Źbity «Šachied». Ilustracyjnaje fota Pavietranyja siły Ukrainy
Vybuchi byli čuvać u Lvovie, Charkavie i Čarkasach.
Tak, haradski hałava Lvova Andrej Sadovy paviedamiŭ: «Lvoŭ. U horadzie byŭ čutny vybuch. Jašče dźvie pavietranyja celi na padlocie. Usim zastacca ŭ schoviščach!».
Pavodle infarmacyi palicyi, ŭ Charkavie prahrymieła cełaja sieryja vybuchaŭ.
Haradski hałava Ihar Cierachaŭ paviedamiŭ, što horad pad masiravanym rakietnym abstrełam. Razdałosia prynamsi šeść vybuchaŭ.
Taksama ŭ noč na 29 śniežnia ŭkrainskija vajskoŭcy zafiksavali vylet 9 bartoŭ stratehičnych bambardiroŭščykaŭ Tu-95MS z aeradroma «Alenievaja» ŭ Murmanskaj vobłaści Rasii.
U častcy abłaściej była abvieščana rakietnaja niebiaśpieka.
Čytajcie taksama:
Stała viadoma, što skazaŭ Pucin kiraŭniku KNR nakont terminaŭ vajny va Ukrainie
Vajskovy ekśpiert daje prahnoz pa situacyi na froncie va Ukrainie na nastupny hod