За год цэны на рыс выраслі на 38 працэнтаў
Цэны на гэты злак дасягнулі 15-гадовага максімуму.
28.12.2023 / 15:37
Фота: Fasol tv
Кошт эталоннага тайскага белага рысу 27 снежня дасягнуў $659 за тону. Гэта самы высокі паказчык з кастрычніка 2008 года, піша Bloomberg.
За 2023 год сусветныя цэны на рыс падскочылі на 38%. Эксперты звязваюць гэта з некалькімі засушлівымі перыядамі, у выніку чаго вытворчасць рысу ў асноўных рэгіёнах знізілася.
Акрамя таго, адзін з вядучых пастаўшчыкоў гэтай прадукцыі (Індыя) абмежаваў яе экспарт.
У наступным годзе Тайланд паставіць на рынак каля 2 млн тон, а Індыя — не менш за 1 млн.