Paetaŭ, jakija pračytali «antymabilizacyjnyja» vieršy na płoščy ŭ Maskvie, adpravili ŭ kałoniju na značnyja terminy
Ćviarski sud Maskvy prysudziŭ Jahora Štoŭbu i Arcioma Kamardzina da 5,5 i 7 hadoŭ pazbaŭleńnia voli adpaviedna. Ich pryznali vinavatymi va ŭzbudžeńni nianaviści ci varožaści, a taksama ŭ zaklikach, nakiravanych suprać biaśpieki dziaržavy.
28.12.2023 / 15:19
Sud nad udzielnikami «Majakoŭskich čytańniaŭ». Fota: ru2ch / Telegram
Padstavaj dla raspačynańnia kryminalnaj spravy staŭ vystup z «antymabilizacyjnymi» vieršami na Tryumfalnaj płoščy ŭ Maskvie padčas «Majakoŭskich čytańniaŭ», jakija prajšli ŭ vieraśni minułaha hoda paśla abviaščeńnia prezidentam RF Uładzimiram Pucinym mabilizacyi.
Pa viersii abvinavačvańnia, Kamardzin u vieršach zaklikaŭ nie brać pozvy z ruk rabotnikaŭ vajenkamataŭ, nie padpisvać dakumienty ab atrymańni pozvaŭ i nie chadzić u vajenkamaty.
Paetaŭ taksama abvinavacili va ŭzbudžeńni nianaviści, prynižeńni i zaklikach da hvałtu ŭ dačynieńni da «dobraachvotnickich uzbrojenych farmiravańniaŭ ŁNR i DNR» za frazu «Słava Kijevskoj Rusi, Novorośsija — sosi».