Pamior Siarhiej Čyryk
15 śniežnia pamior videaapieratar Siarhiej Čyryk, paviedamiŭ u fejsbuku palityk i hramadski aktyvist Siarhiej Marcaleŭ. Jamu było 64 hady.
26.12.2023 / 23:15
«Usie, chto ŭ 90-ja mieŭ dačynieńnie da palityki ci ŚMI, pamiatajuć čałavieka z prafiesijnaj kamieraj. U jaho zachavaŭsia ŭnikalny archiŭ pra tyja niaprostyja dla Biełarusi časy. Viečnaja pamiać Siarhieju. Chaj i pišu heta zapoźniena», — napisaŭ Marcaleŭ.
Siarhiej Čyryk nie mieŭ admysłovaj adukacyi videaapieratara, ale źniaŭ sotni roznafarmatnych stužak z chronikaj znakavych padziejaŭ najnoŭšaj historyi Biełarusi. Utvareńnie BNF, pieršyja śviatkavańni Dnia Voli, Dziadoŭ, Dnia vajskovaj słavy, kurapackija i čarnobylskija šeści, pratesty minskich rabočych i vizit Biła Klintana — usio adlustravałasia na jahonych stužkach.
Čytajcie taksama: