Inicyjatyŭnaja hrupa vyłučyła Strałkova na vybary rasijskaha prezidenta, ale nie zmahła znajści nataryusa
24 śniežnia prajšło pasiadžeńnie inicyjatyŭnaj hrupy pa vyłučeńni ŭ prezidenty byłoha «ministra abarony DNR» Ihara Strałkova (Hirkina). U padtrymku jahonaj kandydatury sabrali 556 podpisaŭ, ale kab ich zaśviedčyć, nie znajšli nataryusa.
25.12.2023 / 08:39
Fota: SOTAvision
Jak piša SOTAvision, u arhanizataraŭ była damoŭlenaść z čatyrma śpiecyjalistami, ale ŭsie jany ŭ apošni momant admovilisia pryjechać.
Da budynku, dzie prachodziŭ schod inicyjatyŭnaj hrupy, pryhnali aŭtazak, a pa kalidorach chadzili palicejskija.
Były «ministr abarony DNR» Ihar Strałkoŭ byŭ aryštavany ŭ lipieni 2023 hoda, jaho vinavaciać u zaklikach da ekstremizmu z-za dopisaŭ z krytykaj vajennaha kiraŭnictva Rasii.
Raniej CVK Rasii admoviŭ u rehistracyi inicyjatyŭnaj hrupy inšaj samavyłučenki — žurnalistki Kaciaryny Duncovaj.