Лукашысцкі канал асадзіў Азаронка і крыху патроліў
Ананімны лукашысцкі канал «Графач» зрабіў выпад у бок прапагандыста Рыгора Азаронка.
24.12.2023 / 19:51
Рыгор Азаронак вядзе аўтарскую перадачу. Скрын відэа СТБ
«Кажуць, што ў нас у СМІ ёсць жорсткая цэнзура.
Гледзячы перадачы Рыгора, можна пераканацца ў адсутнасці такой. Пачынаючы ад формы, заканчваючы зместам.
Рыгор, які раней выступаў за адзіныя спісы экстрэмісцкіх матэрыялаў у рамках Саюзнай дзяржавы, сам трапіў у гэтую яму — верш А. Харчыкава «Рыхтуйце спісы!» прызнаны экстрэмісцкім рашэннем Чыгуначнага раённага суда г. Барнаула Алтайскага краю ад 24.12.2009.
Пасаж пра «шкадуеш, што не дайшоў да Масквы сёй-той, каб старых блудных сук пусцілі па крузе» — гэта наогул за гранню дабра і зла, лічу. Тут ужо лепш было назваць прозвішча, а то ж на Маскву многія хадзілі.
Здаецца, што шкадаваць пра няўдалы дзяржпераварот у саюзніка, хай і ў эмацыйнай гіпатэтычнай форме — недарэчна, асабліва, калі пытанне даўно закрытае.
А наогул, так відавочна спрабаваць гуляць негатыўнай радыкальнай рыторыкай на ўнутрырасійскую аўдыторыю з трыбуны беларускага СМІ, улічваючы кантэкст нашага (не)удзелу — рабіць толькі горш у двухбаковых адносінах і перспектывах саюзнага медыяхолдынга», — напісаў канал.
Раней актывістка гродзенскага абласнога аддзялення «Белай Русі» Святлана Вараніца заяўляла: «Не хачу, каб мая краіна станавілася азаронкаўшчынай».
Радыкальным Азаронкам абураўся і праграміст-перабежчык Ілля Бягун.
Чытайце таксама:
Азаронак напісаў ліст Сталіну: «Пакланюся табе. Вышэй за цябе толькі Бог»
У Маладзечне з'явіліся надпісы ў падтрымку Азаронка. Але ёсць нюанс
Бягун раскрытыкаваў Азаронка: Ашалелы папулізм, памножаны на стэрэатыпную прапаганду