Тэрыторыю Смалявічаў павялічылі амаль у паўтара разу
Межы горада Смалявічы памянялі рашэннем Мінскага абласнога савета дэпутатаў ад 15 снежня 2023 года № 482. Гэта рашэнне апублікавана на Нацыянальным прававым партале.
22.12.2023 / 17:36
Смалявічы з вышыні птушынага палёту. Фота: Планета Беларусь
Згодна з рашэннем, плошча горада Смалявічы складзе цяпер 2 331,84 га. Улічваючы, што раней яна была роўная 1 644,96 га, атрымліваецца рост на цэлых 686,88 га, або на 41,8 працэнта.
Такое істотнае павелічэнне адбылося згодна з нядаўняй карэкціроўкай генеральнага плана Смалявічаў. Мяркуецца, што гэты населены пункт, які з'яўляецца горадам-спадарожнікам Мінска, павінен моцна павялічыцца найбліжэйшымі гадамі.
Паводле звестак Белстата, у 2022 годзе ў Смалявічах жыло 20,5 тысячы чалавек, у той час як у 2016-м жыхароў было 17,9 тысячы.
Раней планавалася ў будучыні гэтую лічбу павялічыць да 30 тысяч, а цяпер гавораць ужо нават пра 50 тысяч.
Чытайце таксама:
Старую мінскую Лошыцу зносяць, да канца застаецца зусім трошкі ФОТЫ