Расія стварыла падстаўную авіякампанію, каб перавозіць нелегальных мігрантаў у Еўропу праз Мінск
Некалькі тыдняў таму з'явілася інфармацыя, што турэцкая кампанія Southwind Airlines будзе ажыццяўляць рэйсы з Турцыі ў Мінск. Прытым яе прапанова куды больш прывабная, чым у «Белавія». З чым гэта можа быць звязана, піша «Матолька Help».
22.12.2023 / 12:59
Фота: Fabrizio Gandolfo / SOPA Images / LightRocket via Getty Images
Авіякампанія Southwind Airlines месціцца ў Антальі. Яе стварылі неўзабаве пасля пачатку вайны ва Украіне. Аднак усе яе тры самалёты і большая частка супрацоўнікаў — з расійскай Nordwind Airlines, якая базуецца ў Маскве.
Nordwind належыць турфірме Pegas Touristik, уладальнікі якой — расейцы з турэцкімі каранямі.
Нядаўна ўлады Беларусі анансавалі, што з 23 снежня Southwind адкрывае прамыя рэйсы са Стамбула ў Мінск усяго за 195 еўра. Час у палёце — на дзве гадзіны меншы, чым у Belavia, якая з-за санкцый не можа лятаць праз ЕС.
Turkish Airlines раней адмяніла рэйсы ў Мінск пад ціскам Еўропы.
Паводле інфармацыі Bild, улады Польшчы лічаць новы напрамак палётаў Southwind крокам да арганізацыі «новага спланаванага наплыву ўцекачоў праз Расію і Беларусь».
Беларускія журналісты таксама адзначалі, што Southwind створаная для абыходу санкцый супраць РФ.
У Варшаве ўпэўненыя, што Масква і Мінск актывізуюць «гібрыдную аперацыю» для пагаршэння міграцыйнага і, як следства, палітычнага крызісу ў заходніх краінах, асабліва ў Нямеччыне.
Чытайце таксама:
З Мінска ў Стамбул можна будзе даляцець на дзве гадзіны хутчэй, чым цяпер. Як такое магчыма?