Nivodzin biełaruski rehijon nie vykanaŭ metavych pakazčykaŭ — Hałoŭčanka
Situacyja ŭ 11 rajonach Biełarusi z nasielnictvam bolš za 80 tys. čałaviek u 2023 hodzie palepšyłasia, ale da ich pracy ŭsio jašče šmat pretenzij, zajaviŭ premjer-ministr Raman Hałoŭčanka na pasiadžeńni prezidyuma Saŭmina, piša Office Life.
21.12.2023 / 21:20
Raman Hałoŭčanka. Fota: BiełTA
U paraŭnańni ź minułym hodam Minekanomiki adznačaje niekatoryja stanoŭčyja tendencyi ŭ bujnych rajonach krainy. Naprykład, va ŭsich ź ich, akramia Połackaha rajona, vyrasła pramysłovaja vytvorčaść. Pryčym, u troch — vyšej, čym u siarednim pa krainie. Takaja ž situacyja ŭ sielskaj haspadarcy: usiudy rost vytvorčaści, a ŭ troch rajonach jon apiaredžvaje pakazčyk pa krainie.
«Ale da pracy hetych rehijonaŭ zachoŭvajecca i šerah pretenzij. Pa vynikach dziesiaci miesiacaŭ niama nivodnaha rehijonu, jaki vykanaŭ by ŭsie metavyja pakazčyki», — zajaviŭ Hałoŭčanka.
Asnoŭnuju častku praduhledžanych Prahramaj raźvićcia rehijonaŭ pakazčykaŭ vykanali tolki Pinsk, Lidski i Salihorski rajony. Usie astatnija — pałovu ci mienš.
Horš za ŭsio sprava idzie ź inviestycyjami. Pa inviestycyjach u asnoŭny kapitał płany vykanali tolki try rajony, a ŭ mnohich rajonach za hod nie zaklučyli nivodnaj inviestycyjnaj damovy.
Taksama Hałoŭčanka adznačyŭ, što ŭ mnohich rajcentrach nie vykonvajucca płany pa budaŭnictvie žylla, choć jany, maŭlaŭ, zabiaśpiečanyja nieabchodnym finansavańniem.
Čytajcie taksama:
Łukašenka zajaviŭ ab prablemach sa zbytam BNBK
Łukašenka znoŭ raskrytykavaŭ urad. Za što na hety raz?
Hałoŭčanka naviedaŭ maskoŭskuju VDNH i skazaŭ, čaho tam nie chapaje