ГУБАЗіК наведаў школу польскай мовы. Падобна, што затрыманы яе дырэктар Вадзім Свістуноў
Кліентам школы пагражаюць рэпрэсіямі. «Чарговая порцыя спісаў персанажаў з картамі паляка», — пішуць сілавікі ў сваім канале.
21.12.2023 / 16:25
Сайт школы не працуе, сацсеткі выдаленыя.
Мяркуючы па фотаздымках у праўладных тэлеграм-каналах, з дзвярэй школы таксама знялі шыльду з назвай.
Лагатып школы
Школа Polski.Pro вучыць усіх ахвотных польскай мове і мае шмат праграмаў — як для дзяцей, гэтак і для дарослых. Працуе яна з 2011-га, а сайт polskipro.by адкрыты ўвесну 2016-га.
Нязменна кіруе школай 35-гадовы Вадзім Свістуноў. Вядома, што ён захапляецца велападарожжамі. Магчыма, ён таксама затрыманы, бо ГУБАЗіК выклаў на свае каналы фота з ім у офісе школы.
Чытайце таксама:
У Брэсце за пратэсты затрымалі двух чалавек