Łukašenka znoŭ chrypić, na siońniašniaj naradzie jon vyhladaŭ chvaravita
Infarmacyju pra zdaroŭje Alaksandra Łukašenki jaho pres-słužba daje vielmi redka.
19.12.2023 / 17:54
Łukašenka na naradzie 19 śniežnia 2023 hoda. Fota: jaho pres-słužba
Na naradzie pa mielijaracyi i pracy Biełaruskaj nacyjanalnaj bijatechnałahičnaj karparacyi, jakaja prachodziła 19 śniežnia i na jakoj znoŭ dastałasia Hałoŭčanku, hołas Alaksandra Łukašenki byŭ mocna achrypłym. Vyhladała, što ślazilisia vočy.
Nahadajem, kali ŭ mai 2023 hoda palityk zachvareŭ, jon źnik na piać dzion. Na 9 Maja jon byŭ na paradzie ŭ Maskvie, dzie zaŭvažyli bint na jaho ruce. Łukašenka nie zmoh prajści ź inšymi kiraŭnikami dziaržaŭ niekalki socień mietraŭ ad trybuny da Alaksandraŭskaha sada, jaho vieźli asobna elektramabilem. Paśla hetaha ŭviečary jon pieršy raz za čas svajho kiravańnia nie zmoh pračytać pramovu na ŭskładańni kvietak na płoščy Pieramohi, za jaho heta zrabiŭ ministr abarony Viktar Chrenin.
Tolki 15 maja Łukašenku pakazali narodu — jon naviedvaŭ kamandny punkt VPS i vojskaŭ SPA. Na mocna retušavanym fota BiełTA jon vyhladaŭ vaskovaj fihuraj.
Łukašenka 15 maja 2023 hoda na retušavanym fota BiełTA
Paźniej palityk skazaŭ, što ŭ jaho byŭ adenavirus. I dadaŭ, što pamirać nie źbirajecca i «mučycca vy sa mnoj budziecie doŭha».
A 23 listapada, sustrakajučy Pucina na samicie ADKB u Minsku, Łukašenka dziŭna dryžaŭ. Raniej takoje dryžańnie ŭ abjektyŭ nie traplała.
Taki tremar moža być jak prykmietaj stareńnia, tak i simptomam chvarobaŭ abo emacyjnaha napružańnia.
Čytajcie taksama:
«Mučycca vy sa mnoj budziecie doŭha». Łukašenka skazaŭ, što ŭ jaho byŭ adenavirus
Łukašenka abjaviŭsia na kamandnym punkcie VPS i vojskaŭ SPA. Z kropielnicaj na inšaj ruce