U Varšavie 24-hadovy biełarus pahražaŭ pistaletam. Jaho departavali
Niekalki dzion tamu ŭ palicyju pastupiła paviedamleńnie, što ŭ adnoj z varšaŭskich ustanoŭ klijent razmachvaje pistaletam.
19.12.2023 / 15:50
Fota: facebook.com/PolicjaPL
Na miesca zdareńnia prybyli palicejskija patruli. Na łaŭcy pierad budynkam jany zaŭvažyli mužčynu, jaki padychodziŭ pad apisańnie. Jaho zatrymali. U zaplečniku mužčyny znajšli hazavy pistalet i čatyry patrony da jaho, piša reform.by.
Vyśvietliłasia, što zatrymany — biełarus i znachodzicca ŭ Polščy nielehalna, a jahony pašpart byŭ raniej kanfiskavany prakuraturaj. Taksama vyśvietliłasia, što jon byŭ pjany. Maładomu čałavieku vystavili abvinavačvańnie i departavali.