Сілавікі затрымалі дзіцячага трэнера па хакеі за тое, што прозвішча Зяленскага яму спадабалася больш, чым Лукашэнкі
Сілавікі апублікавалі відэа з затрыманым трэнерам хакейнага клуба «Лакаматыў-Орша». Ён займаўся з дзецьмі 2015 года нараджэння.
17.12.2023 / 12:16
Паводле відэа, мужчына ў бацькоўскім чаце напісаў, што прозвішча Лукашэнкі яго не цікавіць, а прозвішча Зяленскага — «прыгожае». Трэнер гаворыць, што гэта быў жарт.
За што быў затрыманы мужчына, ці знаходзіцца ён за цяпер кратамі, невядома.
Сілавікі дадалі, што паклапоцяцца, каб яго «больш не дапускалі да трэнерскай дзейнасці».