Šaranhovič zakidvaje šajbu ŭ piatym matčy zapar. Jon najlepšy snajpier «Kałhary»
U matčy rehularnaha čempijanatu Nacyjanalnaj chakiejnaj lihi «Kałhary Fłejmz» na chatnim lodzie siońnia nočču pieramoh «Tampu-Bej» ź likam 4:2.
17.12.2023 / 12:03
Jahor Šaranhovič. Fota: twitter.com/NHLFlames
Biełarus Jahor Šaranhovič hulaŭ u pieršym źvianie i zakinuŭ šajbu na 27-j chvilinie.
Jahor, jaki pierajšoŭ u «Kałhary» ŭletku z «Ńju-Džersi», zakidvaje šajby piatuju hulniu zapar (na hetym adrezku ŭ jaho šeść šajbaŭ i dva halavyja pasy).
Jahor — najlepšy snajpier kamandy, u jaho 11 šajbaŭ i čaćviertaje miesca ŭ kamandzie pa sistemie hoł+pas (11+7).
U abaroncy «Kałhary» Illi Sałaŭjova — 6 hulniaŭ, 2 (0+2) bały.
«Kałhary» pierapyniŭ sieryju z čatyroch paražeńniaŭ zapar i z 29 bałami ŭ 31 hulni idzie na 10-j pazicyi ŭ tablicy Zachodniaj kanfierencyi.
Čytajcie taksama:
U NCHŁ hałkipier ad svaich varot zakinuŭ šajbu
U matčy čempijanatu NCHŁ vydalili adrazu dźvie piaciorki chakieistaŭ
Pietr Čech staŭ pieršym, chto zhulaŭ u najvyšejšym dyvizijonie Anhlii i ŭ futbole, i ŭ chakiei