«Niadaŭna prabieh 10 kiłamietraŭ za 40 chvilin». Andrej Dźmitryjeŭ pracuje ŭ kałonii na ačystcy drotu
Eks-lidara «Havary praŭdu» i eks-kandydata ŭ prezidenty Andreja Dźmitryjeva ŭtrymlivajuć u papraŭčaj kałonii № 3 pad Viciebskam.
16.12.2023 / 11:40
U śniežni jon mieŭ spatkańnie sa svajakom, jakoha doŭha čakaŭ, paviedamiła Svabodzie daśviedčanaja krynica.
«Usio prajšło dobra. Andrej na zdaroŭje nie skardziŭsia, kazaŭ, što pačuvajecca narmalna. Časam zajmajecca sportam na stadyjonie. Chvaliŭsia, što niadaŭna prabieh 10 kiłamietraŭ za 40 chvilin. Vydatny vynik dla čałavieka ŭ jahonyja hady i ŭ jahonym stanoviščy!» — miarkuje surazmoŭca.
Andrej Dźmitryjeŭ pracuje na ačystcy drotu ad izalacyi, u volny čas zajmajecca samaadukacyjaj, vučyć ispanskuju movu.
Ad viadomaha palityka zredku dachodziać listy. «Pieradaje ŭsim vialiki-vialiki dziakuj, udziačny ŭsim dobrym dziejańniam i dumkam pra jaho, udziačny za salidarnaść», — dadaje krynica.
Andreja Dźmitryjeva zatrymali ŭ studzieni 2023 hoda i ŭ krasaviku prysudzili 1,5 hoda kałonii pavodle 1-j častki 342 artykuła Kryminalnaha kodeksa («Aktyŭny ŭdzieł u dziejańniach, jakija hruba parušajuć hramadski paradak»). Svajoj viny były kandydat u prezidenty nie pryznaŭ. Termin źniavoleńnia ŭ jaho kančajecca ŭ krasaviku 2024 hoda.
Čytajcie taksama:
Andreja Dźmitryjeva pieraviali ŭ kałoniju «Vićba»
«Kožnuju ranicu čytaje Bibliju na biełaruskaj movie». Jak trymajecca ŭ SIZA Andrej Dźmitryjeŭ
«Žoncy psichałahična ź dziećmi składana». Andrej Dźmitryjeŭ čakaje razhladu apielacyi