U Navapołacku praciahvajucca zatrymańni, padčas jakich ludziej apytvajuć pra Siarhieja Jeramiejeva i praviarajuć na palihrafie
Ahulnaja kolkaść tych, chto prajšoŭ praz zatrymańni, nieviadomaja.
15.12.2023 / 10:40
Kahości adpuskajuć paśla šmathadzinnaj hutarki pra znajomstva ź Siarhiejem Jeramiejevym, zatrymanym FSB nibyta za dyviersiju na BAMie, kahości viazuć adrazu ŭ sud i sudziać pa administracyjnym artykule 19.11 KaAP — kali ŭ telefonie znachodziać «ekstremisckija» padpiski, piša «Viasna».
Pra kryminalnyja spravy, raspačatyja suprać kahości z zatrymanych apošnimi dniami, pakul infarmacyi niama. Zatrymańni i dopyty praciahvajucca z 8 śniežnia.
Pad zatrymańni najpierš traplajuć tyja, chto, jak i Siarhiej, mieŭ dačynieńnie da ahulnabiełaruskaha strajku ŭ 2020 hodzie.
Zatrymanych raspytvajuć, ci byli jany znajomyja z byłym «naftanaŭcam», jakoha abvinavacili ŭ padryvie ciahnikoŭ u Paŭnočna-Mujskim tuneli BAMa 29 i 30 listapada, ci kazaŭ jon raniej pra takija namiery.