Pornhub raspavioŭ, jakoje porna biełarusy čaściej za ŭsio hladzieli ŭ hetym hodzie
Adzin z najbujniejšych servisaŭ porna-industryi vykłaŭ vialikuju statystyku prahladaŭ i pieravah hledačoŭ pa ŭsim śviecie za 2023 hod. Jość cikavyja tendencyi.
15.12.2023 / 09:50
Fota: «Naša Niva»
Pavodle novaj statystyki Pornhub, samym papularnym žanram na płaniecie ŭ 2023 hodzie stała leśbijskaje porna. Śledam pa papularnaści iduć katehoryi Japanese (japonskaje porna) i Ebony (seks z udziełam ciemnaskurych ludziej).
U Biełarusi čaściej za ŭsio hladzieli porna-videa ŭ žanry cinéma vérité (ci prosta realici-porna) — roliki, dzie prafiesijnyja pornaakciory i pornaaktorki imitujuć zvyčajnyja pary i robiać uchił na naturalnaść abstanoŭki, jak u sapraŭdnym žyćci (albo heta mohuć być realnyja pary, čyj seks zdymajecca prafiesijna).
U vypadku inšych krain, statystyka pa pieravahach siarod hladačoŭ Pornhub vyhladaje tak.
Statystyka samych prahladanych porna-žanraŭ siarod krain śvietu. Krynica: Pornhub
Samaj papularnaj katehoryjaj eratyčnych videa ŭ mužčyn u śviecie za 2023 hod akazałasia japonskaje porna. U žančyn — leśbijskaje.
Bolšaść karystalnikaŭ (zvyš 90%) hladzić pornaroliki z telefonaŭ i ŭ siarednim tracić 10 chvilin padčas adnaho naviedvańnia sajtu Pornhub. Pa kolkaści dzionnaha trafiku spažyvańnia pornakantentu ŭpeŭniena pieramahajuć hledačy sa Złučannych Štataŭ.
U dadatak da hetaha servis Pornhub padčas analizu suśvietnaha trafiku pryjšoŭ da nastupnych vysnoŭ.
- Pažyłyja ludzi ŭ trendzie. Zafiksavany vielizarny rost papularnaści pošukavych zapytaŭ na pornavidea katehoryi «Pažyłyja» — na 77% bolšy, čym letaś. Karystalniki stali značna čaściej pisać takija zapyty, jak «Babula», «MILF», «DILF» i «GILF».
-
Značna pavialičyŭsia popyt na ŭsio «vialikaje». Takija zapyty, jak «vialikija hrudzi», «vialiki azadak», «vialiki čeles», a taksama «masiŭny», «hihancki», «samy vialiki», «vializny» i h. d. u paraŭnańni ź minułym hodam pačaścilisia na 31-177%.
-
Rezka ŭzrasła cikavaść da vajskovaj tematyki. Pošukavyja zapyty «ŭniforma», «vajskovaja ŭniforma», «palicejskaja ŭniforma», a taksama «žančyna-sałdat», «sałdat-hiej» i «rolevaja hulnia pamiž sałdatami» vyraśli na 243-332%.
Pornhub taksama adznačaje, što na fonie papularnaści štučnaha intelektu kolkaść zapytaŭ na temu «androidaŭ» i «seks-robataŭ» vyrasła až na 1689%. Akramia hetaha, na 1541% pavialičyłasia cikavaść da porna z udziełam piersanažaŭ videahulniaŭ (asabliva da piersanažaŭ hulni Fortnite).
Što da pieravah hledačoŭ u adnosinach da pornaakcioraŭ i pornaaktorak, to bolš za ŭsio ŭ śviecie ŭ 2023 hodzie šukali 28-hadovuju amierykanskuju pornazorku Abełu Dejndžer.
Videa ź jaje ŭdziełam za hod prahladzieli amal 2 miljardy razoŭ.
Amierykanskaja pornazorka Abeła Dejndžer. Fota: aficyjny instahram žančyny
Čytajcie taksama:
Porna ŭ roznych krainach Jeŭropy: u čym adroźnieńnie
Navukoŭcy vyśvietlili, u jakoj pozie žančyny čaściej za ŭsio atrymlivajuć arhazm
«Paśla hetych seksualnych hukaŭ usio pahruziłasia ŭ chaos». Skandał na losavańni Jeŭra-2024
«Muž sam papaŭniaje kalekcyju». Biełaruski raskazali, jak u ich łožku źjavilisia seks-cacki i jakija