U Arhiencinie devalvujuć aficyjny kurs piesa bolš čym udvaja
Ułady Arhienciny devalvujuć aficyjny kurs da 800 piesa za dalar. Da devalvacyi za $1 pa aficyjnym kursie davali kala 365 piesa. Ale realny kurs — 1100 piesa za dalar.
13.12.2023 / 11:36
21 lutaha kurs piesa da asnoŭnych valut (reał — hrašovaja adzinka Brazilii) byŭ taki. Za try tydni piesa jašče bolš devalvavaŭsia. Fota: Natacha Pisarenko / AP
Ministr ekanomiki Łuis Kaputa ŭ telezvarocie zajaviŭ, što devalvacyja budzie balučaj u karotkaterminovaj pierśpiektyvie, ale nieabchodna dla skaračeńnia biudžetnaha deficytu i źnižeńnia trochznačnaj inflacyi: «Meta ŭ tym, kab prosta paźbiehnuć katastrofy i viarnuć ekanomiku ŭ patrebnaje rečyšča», piša RBK
U Arhiencinie dziejničajuć valutnyja abmiežavańni, z-za čaho dziaržavaj adnačasova fiksujecca niekalki kursaŭ piesa dla roznych katehoryj karystalnikaŭ i pamiž saboj hetyja kursy mocna adroźnivajucca.
Realny kurs dalara na čornym rynku — 1100 piesa.
U niadzielu adbyłasia inaŭhuracyja novaha prezidenta Chaŭjera Mileja. Padčas jaje Milej zajaviŭ, što krainu čakajuć žorstkija miery ekanomii.
«Na žal, ja pavinien vam znoŭ skazać: hrošaj niama. Hałoŭnaje — u zachadaŭ ekanomii niama alternatyvy i niama alternatyvy šokavaj terapii. My viedajem, što ŭ karotkaj pierśpiektyvie situacyja pahoršycca. Ale potym my ŭbačym plon našych namahańniaŭ», — zajaviŭ jon.
Čytajcie taksama:
Novy prezident Arhienciny pačaŭ kiravańnie krainaj sa słovaŭ «Hrošaj niama»