Finlandyja vyrašyła adkryć dva pamiežnyja punkty na miažy z Rasijaj
Urad vyrašyŭ adkryć dva pamiežnyja punkty na ŭschodniaj miažy: Vaalima i Niirała. Pra heta premjer-ministr Pietery Orpa paviedamiŭ na bryfinhu, pryśviečanym abmiežavańniam na ŭschodniaj miažy, piša Yle.fi.
12.12.2023 / 16:08
Finska-rasijskaja miaža. Fota: Sergey Grits / AP
Kiraŭnik MUS Mary Rantanien raspaviała, što novaje rašeńnie dziejničaje da 14 studzienia 2024 hoda. Sa słoŭ ministra, urad uvažliva sočyć za padziejami na ŭschodniaj miažy, i kali źjava nie spynicca, miaža moža być znoŭ chutka zakrytaja.
Pradstaŭnik pamiežnaj słužby Mika Lechmus, u svaju čarhu, adznačyŭ, što Jeŭrapiejskaje ahienctva pamiežnaj i marskoj biaśpieki Frontex dapamahaje finskim pamiežnikam patrulavać miažu.
Žurnalisty spytali, čamu adkryli mienavita hetyja dva punkty. Pa słovach Lechmusa, takim čynam ludzi, jakija žyvuć pa abodva baki miažy, zmohuć naviedvać svaich svajakoŭ.
Termin dziejańnia papiaredniaha rašeńnia ab dvuchtydniovym zakryćci ŭschodniaj miažy zakančvajecca ŭ noč ź sierady na čaćvier.
U kancy listapada Finlandyja zakryła ŭsie dzieviać punktaŭ propusku.
Čytajcie taksama: