Biełaruski trenier, što pryvodziŭ da zołata BATE i «Šachcior», uznačaliŭ kvoły rasijski kłub z druhoha dyvizijona
Eks-trenier salihorskaha «Šachciora» Alaksiej Baha pryniaŭ prapanovu ŭznačalić sarataŭski «Sokał», jaki vystupaje ŭ pieršaj lizie rasijskaha futbolnaha čempijanatu (FNŁ), paviedamlaje pres-słužba kłuba.
12.12.2023 / 10:29
Alaksiej Baha. Fota: football.by
Alaksiej Baha pačynaŭ karjeru treniera ŭ BATE, zatym byli litoŭski «Žalhirys», kazachstanski «Aktabe» i azierbajdžanski «Sumhait».
Alaksiej Baha pryvodziŭ BATE, «Šachcior» i «Žalhirys» da čempijonskich tytułaŭ. U minułym siezonie jon treniravaŭ salihorski «Šachcior», kłub finišavaŭ na 13-m miescy ŭ čempijanacie, ale z-za damoŭnych matčaŭ u harniakoŭ byli zabranyja 35 bałaŭ. Tak by «Šachcior» finišavaŭ by šostym.
«Sokał» u minułym hodzie vyjhraŭ čempijanat druhoj lihi i vyjšaŭ u pieršuju lihu. Paśla 20 turaŭ kłub zajmaje 16-je miesca (z 18) i znachodzicca ŭ zonie vyletu. Čempijanat pieršaj lihi adnovicca ŭ pačatku sakavika.
Čytajcie taksama:
U čempijanacie Turcyi prezident staličnaha kłuba ŭdaryŭ arbitra
Pahladzicie, jakimi padarunkami ŭznaharodzili hałoŭnaha treniera futbolnaj zbornaj i jaho pamočnika