U Hrodzienskaj univiersiteckaj klinicy dla vyjaŭleńnia insultaŭ stali vykarystoŭvać štučny intelekt
Insulty, infarkty, ankałohija — prablema sučasnaj cyvilizacyi. U lačeńni hetych zachvorvańniaŭ hałoŭnymi faktarami źjaŭlajucca čas i pravilnaja dyjahnostyka. Dla palapšeńnia vyniku hrodzienskija daktary vyrašyli vykarystać niejrasietku.
12.12.2023 / 10:16
Hrodzienskaja ŭniviersiteckaja klinika. Fota: Grodno.in
Unikalnuju zadumku realizavali ŭ Hrodzienskaj univiersiteckaj klinicy, dzie ŭžo sabrana salidnaja baza kampjutarnych ałharytmaŭ pa niekalkich kliničnych napramkach, piša sb.by.
Pieršaja patałohija, pa jakoj była praviedziena vielizarnaja praca, — heta išemičnyja insulty hałaŭnoha mozhu. Dla stvareńnia modula dyjahnostyki hetaj patałohii vykarystoŭvalisia vyjavy prykładna paŭtary sotni čałaviek — tysiačy raźmiečanych MRT pacyjentaŭ z vyjaŭlenym išemičnym insultam. Testy pakazali: niejrasietka dakładna vyznačaje patałohiju — dakładnaść dyjahnostyki skłała 98 adsotkaŭ.
Kančatkovy dyjahnaz u lubym vypadku stavić doktar, ale technałohii značna paskarajuć pastanoŭku dyjahnazu i pavyšajuć jaho dakładnaść, kanstatuje doktar kabinieta MRT Andrej Prakapovič.