Ceny na kvitki z Polščy ŭ Biełaruś vyraśli ŭ 2-3 razy. Kolki kaštuje źjeździć na navahodnija śviaty
Kvitki na mnohija rejsy z Varšavy ŭ biełaruskija harady ŭžo raspradadzienyja, a na tyja, što zastalisia, pieravozčyki ŭźvincili ceny ŭ niekalki razoŭ.
11.12.2023 / 16:54
Ilustracyjny zdymak. Fota: telehram-kanał «Varšavka Hranica Briest-Tieriespol»
Minsk-Varšava-Minsk
Ceny na kvitki ź Minska da Varšavy blizkija da standartnych. Za vyklučeńniem 2 studzienia, kali cana pačynajecca z 200 rubloŭ.
U advarotnym kirunku, z Varšavy da Minska, zvyčajna možna dabracca za 110-140 rubloŭ. Kvitki pa takich cenach dasiažnyja i na vyjezd 12 śniežnia. Ale z nabližeńniem Kaladaŭ i Novaha hoda taryf pačynaje raści. Kvitki na piatnicu 15 śniežnia zastalisia tolki pa 200 rubloŭ z čałavieka. Na niekatoryja inšyja pieradśviatočnyja dni — pa 250 rubloŭ z čałavieka ŭ adzin bok.
Fota: skrynšot z sajta atlasbus.by
Ale i heta nie tak šmat u paraŭnańni z kvitkami pa 350 rubloŭ.
Hrodna-Varšava-Hrodna
Z Hrodna da Varšavy ŭ kancy śniežnia možna dajechać za 100-110 rubloŭ. Heta zvyčajnaja cana.
Ale z advarotnym maršrutam niaprostaja situacyja. Naprykład, nabyć kvitki na sajcie pieravozčyka z vyjezdam z Varšavy na 21-23 śniežnia naohuł niemahčyma, bo jany ŭsie raspradadzienyja.
Fota: skrynšot z sajta atlasbus.by
Zastałosia krychu kvitkoŭ z Varšavy da Hrodna z vyjezdam viečaram 25 śniežnia. Cana — 340 rubloŭ z čałavieka ŭ adzin bok. Takija samyja ceny i na 28 śniežnia.
A voś na studzień 2024 hoda kvitki z Varšavy da Hrodna kaštujuć užo ad 100 rubloŭ.
Fota: skrynšot z sajta atlasbus.by
Kratnaje pavyšeńnie cany tłumačycca ŭzrosłym popytam. Na sajcie pieravozčyka paznačana, što heta vymušanaja miera, jakaja dazvalaje pryciahnuć bolš transpartu, kab miescaŭ chapiła bolšaj kolkaści pasažyraŭ.
Čytajcie taksama:
Kolki ciapier zajmaje prachodžańnie miažy? Biełarusy pra pajezdki ŭ ES na aŭtobusach i aŭto
U Varšavie zdajuć kvateru płoščaj usiaho 9 m². Voś jak heta vyhladaje