Выйшаў на волю яшчэ адзін палітвязень
Вызваліўся з калоніі Генадзь Смірноў.
11.12.2023 / 10:59
У судзе Ляхавіцкага раёна 27 кастрычніка 2021 года вынеслі прысуд бацьку і сыну Генадзю і Вячаславу Смірновым, якіх абвінавацілі ў абразе Лукашэнкі (ч. 1 арт. 368 Крымінальнага кодэкса), а Генадзя — яшчэ і ў супраціве супрацоўніку органаў унутраных спраў (ч. 2 арт. 363 Крымінальнага кодэкса).
У выніку Генадзя асудзілі да 2,5 года калоніі, а Вячаслава — да 2 гадоў «хіміі».
Генадзя некалькі разоў у калоніі змяшчалі ў ШІЗА, а таксама ў ПКТ.
Свой тэрмін палітвязень адбываў у шклоўскай калоніі № 17, адкуль 9 снежня выйшаў на волю па заканчэнні тэрміну, піша «Вясна».
Чытайце таксама:
Экс-палітвязня Аляксея Галоўкіна эвакуявалі з Беларусі
Выйшаў на волю гомельскі актывіст Васіль Палякоў