Pad Minskam padrablali stronhu
Sud Dziaržynskaha rajona prysudziŭ da štrafaŭ piać čałaviek za padrobku stronhi.
07.12.2023 / 16:34
Zdymak ilustracyjny. Fota: Olena Bondarenko / vecteezy.com
Jak paviedamlaje prakuratura Minskaj vobłaści, 41-hadovy kiraŭnik u mai 2022 hoda zahadaŭ padnačalenym pry vytvorčaści kiety dadać charčovuju dabaŭku «farbavalnik pad łasoś» i raźmiaścić na vakuumnaj upakoŭcy etykietki «stronha viasiołkavaja file-kavałki biez skury słabasalonaja astudžanaja».
U kramy pastupiła bolš za 10,7 tysiačy ŭpakovak takoj «stronhi». Pamier dadatkovaha dachodu pradpryjemstva pry prodažy tavaru pieravysiŭ 11,2 tysiačy rubloŭ.
U vyniku kiraŭnik adnaho sa strukturnych padraździaleńniaŭ pradpryjemstva pa pierapracoŭcy i vytvorčaści ryby i morapraduktaŭ atrymaŭ dva štrafy (14,8 tysiačy rubloŭ i 12,95 tysiačy rubloŭ), a taksama pazbaŭleńnie prava zajmać peŭnyja pasady na 2,5 hoda. Jaho pryznali vinavatym pa artykułach ab pieravyšeńni ŭłady abo słužbovych paŭnamoctvaŭ i raspaŭsiudzie chłuślivaj infarmacyi pra tavary. Čaćviora jaho padnačalenych aštrafavanyja na sumy ad 11,1 tysiačy rubloŭ da 12,95 tysiačy rubloŭ pa artykule ab raspaŭsiudzie chłuślivaj infarmacyi pra tavary.
Čytajcie taksama:
Załataja śmiatana i deficytny sieladziec: pa kolki biełaruskija pradukty pradajuć u Emiratach
Pad Minskam pradajecca fajny dom. Tam jość sažałka sa stronhaj i sažałka ź lilejami
«Rybu zvyčajna škadujem». Asablivaści rybałki pa-biełarusku
Pad Minskam rybu kietu pierafarboŭvali ŭ «stronhu» i kazali, što tak jašče lepš