17-hadovy žychar Hłuska nielehalna zarabiŭ na kryptavalucie 86 tysiač rubloŭ
Siłaviki vyjavili 17-hadovaha žychara Hłuska, jaki zajmaŭsia niezakonnym abarotam kryptavaluty, paviedamlaje pres-słužba MUS.
02.12.2023 / 16:12
Svaje pasłuhi navučeniec kaledža akazvaŭ na praciahu hoda.
Za hety čas jon zdoleŭ zarabić bolš za 86 tysiač rubloŭ.
U dačynieńni da niepaŭnaletniaha skłali pratakoł. Jamu pahražaje bujny štraf, a taksama kanfiskacyja ŭ dachod dziaržavy ŭsich hrošaj, jakija prajšli praz kryptakašalok.