Za siońniašniuju ranicu ŭžo vyratavali troch rybakoŭ. I heta tolki ŭ Minskaj vobłaści
Ratavalniki nahadvajuć: vychodzić ciapier na lod niebiaśpiečna dla žyćcia. Minimalna biaśpiečnaja taŭščynia lodu 7-10 santymietraŭ.
02.12.2023 / 12:15
Skrynšot videa MNS
Na dośvitku ratavalnikam pastupiła paviedamleńnie ad vidavočcaŭ zdareńnia pablizu Navasiołak Puchavickaha rajona. Padraździaleńni MNS na adlehłaści 30 m ad bieraha (taŭščynia lodu da 5 sm) ubačyli dvuch mužčyn. Jany byli na pavierchni.
Ratavalniki pry dapamozie leśvicy-šturmoŭki, kruha vyratavalnika i viaroŭki dastali rybakoŭ na bierah.
Miedyki dastavili mužčyn z papiarednim dyjahnazam «ahulnaje pieraachaładžeńnie» ŭ balnicu.
Varta adznačyć, rybaki znachodzilisia ŭ vyratavalnych kamizelkach.
Rabotniki Asvoda vyratavali mužčynu, jaki pravaliŭsia pad lod na Smalavickim vadaschoviščy.
Ratavalniki nahadvajuć: vychodzić ciapier na lod niebiaśpiečna dla žyćcia. Minimalna biaśpiečnaja taŭščynia lodu 7-10 santymietraŭ.