З усёй Усходняй Еўропы снегу найбольш у Беларусі — аж 43 см!
Але гэта за Полацкам. Тады як у Брэсце ўсяго 5 см снегу, а ў Гродне ўвогуле 0,5 см.
01.12.2023 / 14:14
У раёне гарадскога пасёлка Езярышча на поўначы Беларусі да пачатку каляндарнай зімы сфармавалася самае высокае ва Усходняй Еўропе снежнае покрыва — 43 см, сведчыць праведзены «Позіркам» параўнальны аналіз карт метэаслужбаў краін рэгіёну.
У Віцебску нападала 36 см снегу, у Магілёве — 24 см, Мінску — 18, Гомелі — 12, Брэсце — 5, Гродне — 0,5 см.
У ноч на суботу па поўначы пройдзе невялікі снег, днём у паўднёвых раёнах часам снег. На асобных участках дарог галалёдзіца.
Ноччу -4..-10°С, пры праясненнях да -14°С, максімальная тэмпература днём -1..-7°С.
pogoda.by