У Мядзельскім раёне жанчына захрасла ў снезе. Прыйшлося выклікаць ратавальнікаў
Здарэнне з пажылой жанчынай здарылася каля вёскі Халмоўка.
01.12.2023 / 10:42
Учора ў 17:58 ратавальнікам патэлефанаваў пажылы мужчына і паведаміў, што яго жонка захрасла ў снезе і не можа ісці, бо сталі ногі. Да месца была накіравана аўтацыстэрна.
Ратавальнікі дапамаглі жанчыне выбрацца са снегу і даставілі яе да дарогі, каб перадаць работнікам хуткай дапамогі.