Siłaviki zatrymali 69-hadovaha baćku aktyvista Alaksieja Trubkina
Siońnia ŭ Navapołacku siłaviki pryjšli ź pieratrusam da baćkoŭ aktyvista Alaksieja Trubkina, jaki z 2006 hoda nie žyvie ŭ Biełarusi. 69-hadovaha baćku zatrymali, raskazaŭ aktyvist «Svabodzie».
30.11.2023 / 15:35
Alaksiej Trubkin
Z domu zabrali kampjutar i knihi. U čym abvinavačvajuć mužčynu, nieviadoma.
«Baćki maje piensijaniery, chvoryja ludzi, majuć prablemy ź niervovaj sistemaj. Tamu heta niebiaśpiečna dla ich zdaroŭja», — raskazvaŭ «Svabodzie» Trubkin. Jon nie žyvie ŭ Biełarusi z 2006 hoda.
Pazaŭčora siłaviki pryjšli ź pieratrusami pa adrasach čalcoŭ Kaardynacyjnaj rady.
Siońnia zatrymali maci daradcy Cichanoŭskaj pa moładzievaj palitycy i studenctvie Marharyty Vorychavaj.