Zatrymali maci daradcy Cichanoŭskaj pa moładzievaj palitycy i studenctvie Marharyty Vorychavaj
Da Inesy Vorychavaj na pracu pryjechaŭ AMAP — paśla hetaha suviaź z žančynaj źnikła, piša «Viasna».
30.11.2023 / 14:37
Zatrymańnie adbyłosia siońnia ranicaj u Navapołacku.
U čym žančynu abvinavačvajuć — nieviadoma.
Marharyta Vorychava była pryznačana Śviatłanaj Cichanoŭskaj daradcaj pa moładzievaj palitycy i studenctvie 6 žniŭnia 2023 hoda.
Vorychava — kiraŭnica arhanizacyi «Rada», raniej jana pradstaŭlała Biełaruś u Kantaktnaj hrupie Rady Jeŭropy i ŭ Kansultatyŭnaj hrupie ŭ Jeŭrasajuzie.
Tendencyja pomścić svajakam palityčnych apanientaŭ usio bolš pašyrajecca. Siońnia taksama zatrymali baćku Alaksieja Trubkina (sam aktyvist nie žyvie ŭ Biełarusi z 2006 hoda). Raniej zatrymlivali baćku piśmieńnika Sašy Filipienki, pa kryminalnaj spravie siadzić syn palityka Anatola Labiedźki, prychodzili da svajakoŭ dobraachvotnikaŭ, što vajujuć va Ukrainie.