U Miorskim rajonie za «ekstremizm» u sacsietkach zatrymali hałoŭnaha vieterynarnaha doktara
Sudździa Miorskaha rajona Iryna Jaskievič za padpisku ŭ sacsietcy na «ekstremisckaje» miedyja pastanaviła aryštavać na troje sutak hałoŭnaha vieterynarnaha doktara rajona Alaksandra Kiezika.
29.11.2023 / 14:44
Na sudovym pasiadžeńni Alaksandr vinu pryznaŭ i rastłumačyŭ, što nie asprečvaje faktu padpiski ŭ instahramie na «Lusterka», jakoje ŭłady ŭnieśli ŭ respublikanski śpis ekstremisckich materyjałaŭ.
Sudździa Jaskievič pryniała da ŭvahi pryznańnie viny, najaŭnaść u «pravaparušalnika» stałaha miesca pracy i toje, što ŭ jaho jość niepaŭnaletniaja dačka, i na padstavie č. 2 art. 19.11 KaAP pakarała Kiezika aryštam na troje sutak, piša «Viciebskaja viasna».