«Usio, vy zdradniki». Prapahandysty zaklikajuć zabrać kvateru Aleksijevič i pazbavić zjechaŭšych spadčyny
Prapahandysty Ryhor Azaronak i Piotr Piatroŭski abmierkavali kryminalnuju spravu, jakuju raskručvaje SK da tych, chto mieŭ dačynieńnie da Kaardynacyjnaj Rady. Prapahandysty zaklikajuć kanfiskavać kvateru nobieleŭskaj łaŭreatki Śviatłany Aleksijevič, a zjechaŭšych praź niebiaśpieku ludziej naaohuł pazbavić spadčyny ŭ Biełarusi.
29.11.2023 / 11:36
Prapahandysty Ryhor Azaronak i Piotr Piatroŭski. Skryn videa
«Chiba my nie viedajem, što vy zdajacie ŭ arendu [majomaść], što karystajucca [joju] vašyja svajaki? Svajaki taksama pavinny adkazvać za toje, kaho jany vychavali», — zajaviŭ Azaronak.
Piatroŭski padtrymaŭ taho. «Treba pazabaŭlać ich [źjechaŭšych], prava na spadčynu na terytoryi Biełarusi. Usio, darahija maje, vy abrali inšuju dziaržavu. Vy vybrali zachodnija dziaržavy. Usio, vy zdradniki. Značyć vy nie majecie prava ni na što na terytoryi krainy», — kaža prapahandyst.
Azaronak źviarnuŭ uvahu na nobieleŭskuju łaŭreatku Śviatłanu Aleksijevič.
«Voś jość u nas «nobieleŭka»… Jana taksama siabra hetaj złačynnaj arhanizacyi. Čamu ŭ jejnaj kvatery (a ŭsie viedajuć, dzie ŭ jaje kvatera) … — pačaŭ Azaronak, dadajučy šmatlikija abrazy.
«Naohuł, treba jaje kvateru šmatdzietnym siemjam addać», — pierabiŭ jaho Piatroŭski.
«Voś! — pahadziŭsia Azaronak i praciahnuŭ. — Na vajskova-patryjatyčnyja kłuby, siłavikam treba addać. Čaho my saromiejemsia, ja nie razumieju?»
Učora SK raspavioŭ, što pa tak zvanaj «spravie Kaardynacyjnaj rady» padazravanymi prachodziać bolš za 100 čałaviek.
Pa krainie prajšli masavyja pieratrusy, u tym liku pryjšli pa miescy rehistracyi Paŭła Łatuški, Siarhieja Čałaha, Jurasia Hubareviča i inšych.
Čytajcie taksama:
Prakopjeŭ z nahody čarady pieratrusaŭ: Isteryčnaja reakcyja złačyncaŭ u pahonach
Kavalkova kaža, što nie viartałasia ŭ Biełaruś