BATE ŭpieršyniu z 2005 hoda moža zastacca bieź miedaloŭ
Kab zachavać šancy na 3-je miesca, 15-razovamu čempijonu Biełarusi pa futbole treba było pieramahać užo niematyvavany «Nioman», pakolki minskaje «Dynama» vyjhrała załatyja miedali.
26.11.2023 / 19:03
Momant bojki
BATE pavioŭ u liku, potym prapuściŭ dva miačy, potym zraŭniaŭ lik — 2:2, a zatym vyrvaŭ pieramohu — 3:2.
Cikavy epizod zdaryŭsia na 55-j chvilinie matča. Dźmitryj Ancileŭski (BATE) bieh u ataku, jaho źbiŭ Ivan Sadoŭničy («Nioman»). Ancileŭski ŭ adkaz badnuŭ Ivana ŭ śpinu, zaviazałasia bojka. U vyniku abodva futbalisty atrymali čyrvonyja kartki.
- Dynama Minsk — 66, 2. Nioman — 59, 3. Tarpieda-BiełAZ — 49, 4. Isłač — 47, 5. BATE — 47…
…13. Šachcior — 6, 14. Biełšyna — 3, 15. Enierhietyk-BDU — 1.
Vylataje z vyšejšaj lihi kamanda, što zojmie apošniaje miesca, a kłub, što finišuje pieradapošnim, budzie hulać stykavyja matčy z «Viciebskam».
Minskaje «Dynama» stała čempijonam krainy pa futbole, «Nioman» maje siarebranyja miedali. Za treciaje miesca 2 śniežnia zavočna paspračajucca «Tarpieda» Žodzina», «Isłač» i BATE.
Pryčym usie try kamandy zhulajuć u haściach. «Tarpieda» ź niematyvavanym minskim «Dynama». BATE z salihorskim «Šachcioram», a «Isłač» — z «Minskam».
«Enierhietyk-BDU» zhulaje sa «Słavijaj», a «Biełšyna» — z bresckim «Dynama». Pačatak usich matčaŭ a 14-j.
BATE ŭpieršyniu z 2005 hoda moža zastacca bieź miedaloŭ.
Kłub vyjšaŭ u vyšejšuju lihu ŭ 1998 hodzie i da 2004 hoda stabilna braŭ miedali, u tym liku dvojčy stanaviŭsia čempijonam (1999, 2002).
U 2005 hodzie BATE finišavaŭ na piatym miescy, a potym z 2006 pa 2018 hod vyjhravaŭ čempijanat Biełarusi.
Čytajcie taksama:
Minskaje «Dynama» stała čempijonam Biełarusi pa futbole
U čempijanacie Italii zhulaŭ 15-hadovy futbalist. I heta rekord
Nie spynić, nie strymać! Illa Škuryn aformiŭ chiet-tryk u matčy polskaj ekstrakłasy