Pamior biełaruski mastak i fiłołah Adaś Kaluta
Adzin ź lidaraŭ biełaruskaj mienšaści ŭ Čechii pamior učora ŭ šviejcarskaj Łazanie. Pryčynaj śmierci stała ankałohija.
25.11.2023 / 19:52
Fota: fejsbuk-supołka «Biełarusy Čechii»
Pra heta paviedamiła na svajoj staroncy ŭ Fejsbuku dyrektarka Ofisa demakratyčnych sił Biełarusi ŭ Čechii Kryścina Šyjanok.
Adukacyju atrymaŭ u respublikanskaj mastackaj škole imia Achremčyka, skončyŭ fiłfak BDU.
Adam Kaluta byŭ siabram češskaj arhanizacyi biełarusaŭ «Pahonia», redaktaram haziety «InformPraha».
Razam z pradstaŭnikami redakcyi Belarusian Review jon byŭ adnym ź piaci aktyŭnych inicyjataraŭ kampanii pa pryznańni biełarusaŭ nacyjanalnaj mienšaściu, stajaŭ la jaje vytokaŭ u 2010 hodzie.
Paśla taho, jak češski ŭrad razhledzieŭ Miemarandum i z ulikam vynikaŭ pierapisu nasielnictva pryniaŭ u 2013 hodzie stanoŭčaje rašeńnie, Adaś Kaluta staŭ pieršym pradstaŭnikom biełarusaŭ u składzie dziaržaŭnaj Rady Češskaj respubliki pa pytańniach nacyjanalnych mienšaściaŭ.