Магілёўскі «Дняпро» вярнуўся ў вышэйшую лігу
«Віцебск» паспрабуе туды прабіцца праз стыкавыя матчы.
25.11.2023 / 16:17
Фота: football.by
Сёння матчамі 34-га тура завяршыўся чэмпіянат Беларусі па футболе ў першай лізе.
«Дняпро» перамог «Асіповічы» 1:0, а «Віцебск» выйграў у пінскай «Хвалі» 3:0.
Арсенал — 81, Дняпро — 73, Віцебск — 73, Лакаматыў — 62….
Як бачым, «Дняпро» і «Віцебск» набралі аднолькавую колькасць балаў, але магілёўскі клуб знаходзіцца вышэй па дадатковых паказчыках, і ён заваёўвае прамую пуцёўку ў вышэйшую лігу.
«Віцебск» згуляе ў стыкавых матчах з 14-й камандай вышэйшай лігі. Гэта будзе або салігорскі «Шахцёр», або «Белшына».
Адметна, што ў мінулым годзе «Арсенал», «Дняпро» і «Віцебск» пакінулі вышэйшую лігу.
Заўтра таксама можа вызначыцца чэмпіён Беларусі па футболе ў вышэйшай лізе, калі мінскае «Дынама» пераможа ў гасцях «Белшыну». «Дынама» апошні раз было чэмпіёнам у 2004 годзе.
Чытайце таксама:
Беларускі галкіпер стаў чэмпіёнам Узбекістана
Еўрапейскі клуб зарабіў на продажы піва больш, чым на трансферы футбалістаў