Šaranhovič zakinuŭ šajbu, zrabiŭ dva halavyja asisty i dapamoh «Kałhary» pieramahčy «Dałas»
U matčy rehularnaha čempijanatu Nacyjanalnaj chakiejnaj lihi «Kałhary» z bujnym likam u haściach pieramoh «Dałas» (7:4).
25.11.2023 / 09:26
Jahor Šaranhovič. Fota: NHL.com
Biełaruski forvard «Fłejmz» Jahor Šaranhovič hulaŭ na levym fłanhu pieršaha źviana. Jaho partniorami stali Elijas Lindcholm i Endru Mandžypani, piša Belarushochey.by
Na 21-j chvilinie Jahor dakładnym kidkom zaviaršyŭ kontrataku «Kałhary». Heta jaho piaty hoł u siezonie.
Na 43-j chvilinie paśla kidka Šaranhoviča šajba adskočyła da Lindcholma, jaki zavioŭ jaje ŭ sietku.
U kancoŭcy Šaranhovič adabraŭ šajbu ŭ čužoj zonie pry pustoj bramie supiernika, niaŭdała pasprabavaŭ kinuć, adnak snarad padchapiŭ Naziem Kadry i pastaviŭ kropku ŭ matčy. Šaranhovič zarabiŭ treci bał u hulni.
U vyniku Jahor pravioŭ na lodzie 14 chvilin 11 siekund, nabraŭ 3 (1+2) bały, zrabiŭ 5 kidkoŭ (jašče 2 mima), ździejśniŭ adzin pierachop, vyjhraŭ 2 z 3 ukidvańniaŭ (66.7%) i zarabiŭ pakazčyk karysnaści «+2».
Na dumku NCHŁ Šaranhovič staŭ treciaj zorkaj dnia, na dumku kłuba — pieršaj.
U hetym matčy za «Kałhary» biełaruski abaronca Illa Sałaŭjoŭ nie hulaŭ.
Za «Vašynhton» vystupaje Alaksiej Protas. U hetym siezonie ŭ biełarusa dźvie šajby i piać halavych pieradačaŭ.
A zaŭtra ranicaj moža pravieści za «Aryzonu» pieršy ŭ hetym siezonie matč Uładzisłaŭ Kalačonak. Biełaruski abaronca, jaki hulaje za kłub ACHŁ «Tuson», maje vyjści na lod suprać «Viehasa».
Čytajcie taksama:
Dva biełaruskija chakieisty zhulali ŭ matčy NCHŁ na adkrytym pavietry pry 50 tysiačach hledačoŭ