Pamior Viktar Ščerba

Na 75-m hodzie žyćcia pamior biełaruski mikrabijołah, mikołah i chimik, kandydat bijałahičnych navuk Viktar Ščerba. Pra jahonuju śmierć paviedamili ŭ sacsietkach svajaki.

23.11.2023 / 21:41

Fota: Wikimedia Commons

Viktar Ščerba naradziŭsia 15 maja 1949 hoda ŭ vioscy Chočyn Puchavickaha rajona. Skončyŭ Ananickuju vaśmihadovuju škołu, zatym Marjinahorski sielskahaspadarčy technikum. Paśla słužby ŭ armii ŭ 1968—1970 hadach navučaŭsia na bijałahičnym fakultecie Biełaruskaha dziaržaŭnaha ŭniviersiteta (1971—1976). U 1976—2012 hadach pracavaŭ u Instytucie mikrabijałohii Nacyjanalnaj akademii navuk Biełarusi, byŭ viadučym i hałoŭnym navukovym supracoŭnikam.

U 1983 hodzie abaraniŭ kandydackuju dysiertacyju pa śpiecyjalnaści «Mikrabijałohija», atrymaŭ vučonuju stupień kandydata bijałahičnych navuk.

Aŭtar dziasiatkaŭ navukovych prac, raspracavaŭ charčovyja dabaŭki na asnovie hryboŭ šyitakie, kardyceps, čaha, biarozavy trut i inšych, jakija vyjšli ŭ farmaceŭtyčnuju vytvorčaść i pradajucca ŭ aptečnaj sietcy. 

Dačka Viktara Ščerby, Ludmiła Ščerba — biełaruskaja paetka i piśmieńnica.

Čytajcie taksama:

Pamior Leŭ Tamilčyk

Pamierła Łarysa Finkielštejn

Pamierła Taisa Ahafonienka

Nashaniva.com