Kamandzir karabla Čarnamorskaha fłotu zahinuŭ. Paćviardžajecca infarmacyja HUR pra ataku pa desantnych katarach u Krymie
Staršy mičman VMF Rasii Dzianis Nikicin, jaki kamandavaŭ adnym z karabloŭ ČF, zahinuŭ «ratujučy svoj karabiel ad trapleńnia drona».
23.11.2023 / 15:30
Infarmacyju pra heta paviedamiŭ sajt Čarnamorskaj kazackaj akruhi, ale paźniej infarmacyju vydaliŭ, pakinuŭšy tolki toje, što prajšło raźvitańnie ź Nikicinym.
«Ratujučy svoj karabiel ad trapleńnia drona, staršy mičman pa-hierojsku zahinuŭ», — havorycca na sajcie.
Nikicin kamandavaŭ desantnym kataram prajekta 11770 «Sierna», pra ataku na jaki 10 listapada paviedamiła HUR Ukrainy.
10 listapada HUR Ukrainy paviedamiła pra paražeńnie dvuch desantnych karabloŭ Čarnamorskaha fłotu RF u Krymie. HUR napisała, što jany «pajšli na dno». Taksama tam zajavili, što na karablach znachodziŭsia ekipaž i była zahružanaja braniavanaja technika, u tym liku BTR-82.