Eks-palitviaźnia, jakoha sudzili za nadpis «Śvieta, ja vas kachaju», pierazatrymali
Alaksandra Pleskaceviča ź Lachavickaha rajona spačatku asudzili pa administracyjnaj spravie, a potym zatrymali pa kryminalnaj spravie.
23.11.2023 / 14:24
Mužčynu ŭ śniežni 2021 hoda asudzili da 2 hadoŭ «chimii» pavodle art. 339 KK («Chulihanstva») za toje, što pakinuŭ nadpisy i rasfarboŭvaŭ biełaj i čyrvonaj farbami chaty, słupy i budynki ŭ svajoj vioscy. Adzin z nadpisaŭ — «Śvieta, ja vas kachaju». Svoj termin Alaksandr skončyŭ adbyvać u lutym 2023 hoda, piša «Viasna».
Paśla vyzvaleńnia mužčynu zatrymali pa administracyjnaj spravie. Jaho asudzili na 10 sutak za toje, što jon «u niavyznačany čas z 16 pa 27 lutaha nanios na 7 voknaŭ i vuhał fasada doma bieła-čyrvona-biełuju simvoliku».
Ciapier stała viadoma, što mužčyna zatrymany ŭžo ŭ miežach novaj kryminalnaj spravy. Jaho abvinavačvajuć u «reabilitacyi nacyzmu» (č.1 art.130-1 KK) i «chulihanstvie» (č.2 art.339 KK).
Spravu buduć razhladać u Bresckim abłasnym sudzie 28 listapada. Sudździoj pryznačany Andrej Siz.