Pieršaja achviara tonkaha lodu. U Bychaŭskim rajonie mužčyna pravaliŭsia pad lod i patanuŭ
Trahičnaje zdareńnie adbyłosia ŭ aŭtorak udzień na voziery Masłavičy pablizu vioski Varonina Bychaŭskaha rajona.
22.11.2023 / 10:49
Fota: MNS
Ratavalniki vyjavili na pavierchni voziera na adlehłaści kala 8 m ad bieraha pałonku. Na bierazie znachodziŭsia mužčyna, jaki rastłumačyŭ, što jaho znajomy pasprabavaŭ pravieryć tryvałaść lodu ŭ voziery dla rybnaj łoŭli i pravaliŭsia ŭ vadu, piša MNS.
Mužčyna ŭ momant zdareńnia znachodziŭsia ŭ mašynie i ničoha nie bačyŭ, a potym, kali pajšoŭ šukać svajho siabra, vyjaviŭ pałonku.
Ratavalniki dastali na bierah cieła 35-hadovaha mužčyny, žychara Bychava.
Z prychodam pieršych marazoŭ vada ŭ vadajomach pakryvajecca lodam, na jaki śpiašajucca vyjści amatary-rybaki i dzieci, imknučysia vyprabavać lod na tryvałaść. Pieršy lod vielmi padstupny, jon tolki zdajecca tryvałym, a nasamreč jon nie vytrymaje ciažaru nie tolki darosłaha čałavieka, ale i dziaciej, papiaredžvaje MNS.
Jak praviła, padčas stanaŭleńnia lodu, vadajomy zamiarzajuć nieraŭnamierna, pa častkach: spačatku la bieraha, a zatym užo na siaredzinie. Na aziorach, sažałkach lod źjaŭlajecca raniej, čym na rečkach, dzie płyń zatrymlivaje jaho ŭtvareńnie.
Čytajcie taksama:
Złodziej pierasunuŭ kubak i łyžki i tak vydaŭ siabie
AMAP stralaŭ u 19-hadovaha žychara Krupskaha rajona
Trahiedyja ŭ Lachavickim rajonie: na pažary zahinuli dvoje dziaciej