Доктар гістарычных навук расказаў, якую пенсію яму налічылі
Гісторыку Аляксандру Краўцэвічу ў верасні 2023 года споўнілася 65 гадоў. У фэйсбуку ён распавёў, што яму прызначылі пенсію і назваў яе памер.
25.11.2023 / 16:57
Аляксандр Краўцэвіч. Фота: «Свабода»
Пенсія, якую прызначылі доктару гістарычных навук, складае 220 рублёў на месяц, альбо каля 70 даляраў.
«Ура! «Сацыяльна арыентаваная дзяржава» (так мне сказалі ў райсабесе) прызначыла для мяне штомесячную пенсію ў памеры 220 руб. (70$)! Цяпер зажыву!» — напісаў Краўцэвіч.
Аляксандр Краўцэвіч — беларускі гісторык і археолаг. Доктар гістарычных навук, прафесар.
Працаваў у Гродзенскім дзяржаўным універсітэце імя Янкі Купалы.
У кастрычніку 2020 года Краўцэвіча затрымлівалі, трымалі тры дні ў ізалятары. Пасля далі штраф у 10 базавых велічынь.
Чытайце таксама:
«Здымаеш майткі да калена, два разы прысядаеш». Як прафесар Краўцэвіч адседзеў у ізалятары