CACHAŁ adnaviŭ pieratrusy ŭ špitali «Aš-Šyfa»
Izrailskija sałdaty ranicaj u čaćvier praciahnuli pieratrusy ŭ budynkach balnicy «Aš-Šyfa» ŭ Hazie. U toj ža čas, jak śćviardžaje padkantrolnaje CHAMAS Ministerstva achovy zdaroŭja Hazy, izrailskija braniavanyja buldoziery «razburyli častku paŭdniovaha ŭvachodu» ŭ balnicu, piša Bi-bi-si.
16.11.2023 / 13:31
Izrailski ściah łunaje na dachu razburanaha budynka ŭ siektary Haza, vyhlad z poŭdnia Izraila, sierada, 15 listapada 2023 hoda. Fota: Leo Correa / AP
Napiaredadni viečaram Armija abarony Izraila (CACHAŁ) zajaviła, što praciahvaje «metanakiravanuju apieracyju suprać CHAMAS» u «Aš-Šyfie». U zajavie taksama havaryłasia, što sałdaty CACHAŁ ustupili ŭ boj z terarystami na terytoryi kompleksu i źniščyli niekalkich ź ich.
Hrupoŭka CHAMAS admaŭlaje, što na terytoryi balničnaha kompleksu dziejničajuć bajeviki. Napiaredadni CACHAŁ prademanstravaŭ videazapisy i fatahrafii, jakija śviedčać ab tym, što ŭ lačebnych pamiaškańniach balnicy, uklučajučy korpus mahnitna-rezanansnaj terapii, zachoŭvalisia zapasy zbroi, vybuchoŭki i inšaha vajennaha abstalavańnia bajevikoŭ.
Izrailskija vojski ŭvajšli ŭ «Aš-Šyfu» ŭ sieradu i zajavili, što pravodziać apieracyju ŭ «peŭnym rajonie» balnicy.
Paźniej CACHAŁ zajaviŭ, što vyjaviŭ u balnicy «apieratyŭny centr» CHAMAS, adnak dokazaŭ hetaha pakul što nie pakazana.
Čytajcie taksama:
Izrail uvajšoŭ u balnicu «Aš-Šyfa», dzie moža znachodzicca kamandny punkt bajevikoŭ CHAMAS
CACHAŁ: izrailskija vojski zachapili niekalki administracyjnych budynkaŭ CHAMAS u horadzie Haza
CACHAŁ zajaviŭ, što CHAMAS adstupiŭ z poŭnačy Hazy i moža vyzvalić zakładnikaŭ