Si Czińpin upieršyniu za šeść hadoŭ prybyŭ u ZŠA
Jon źjavicca na ekanamičnym samicie ATES u San-Francyska i sustreniecca z Džo Bajdenam. ZŠA spadziajucca na źmiakčeńnie napružanaści ŭ adnosinach krain.
15.11.2023 / 07:46
Lidary dźviuch dziaržaŭ abmiarkujuć pytańni dvuchbakovych adnosin ZŠA i Kitaja, važnaść padtrymańnia adkrytych kanałaŭ suviazi, a taksama šerah rehijanalnych i hłabalnych prablem.
Sustreča adbudziecca ŭ ramkach samitu krain Azijacka-Cichaakijanskaha ekanamičnaha supracoŭnictva (ATES). Mierapryjemstva adbudziecca ŭ San-Francyska z 11 pa 17 listapada.
Na minułym tydni MZS KNR paćvierdziła vizit Si ŭ ZŠA dla ŭdziełu ŭ kitajska-amierykanskich pieramovach.
Taksama budzie abmierkavana vajna va Ukrainie.
Apošni raz Si Czińpin byŭ u ZŠA ź vizitam u 2017 hodzie. Papiaredniaja sustreča Si i Bajdena adbyłasia hod tamu na Bali, u ramkach samitu «Vialikaj dvaccatki».