Eks-palitźniavolenaj praciahnuli previentyŭny nahlad na dva hady
Irynu Palaninu z Pastavaŭ 8 listapada vyklikali ŭ RAUS, paśla čaho na volu jana tak i nie vyjšła. 13 listapada sudździa Natalla Žukava razhladzieła jaje spravu ab padaŭžeńni previentyŭnaha nahladu. Vynikam stała praciahnieńnie jaho na dva hady, pryčym žančynu ŭvieś hety čas utrymlivali ŭ izalatary, piša «Viasna».
14.11.2023 / 14:50
Iryna — žycharka Pastavaŭ, jakuju asudzili da dvuch hadoŭ kałonii. Jaje abvinavacili ŭ tym, što ŭ śniežni 2020 hoda žančyna raźmiaściła abraźlivy kamientar u sacyjalnaj sietcy pad fotazdymkam načalnika Pastaŭskaha RAUS, a taksama zachoŭvała doma patrony ad małakalibiernaj vintoŭki. Pa słovach Iryny, patrony zastalisia ad baćki.
Termin Palanina adbyvała ŭ žanočaj kałonii № 24 i ŭ minułym listapadzie vyjšła na volu.
Čytajcie taksama:
Palitviazień-žurnalist Jaŭhien Mierkis šyje ŭ kałonii abutak
Maci dvaich dziaciej asudzili ŭ Homieli pa šerahu pratesnych artykułaŭ