У Мінску ўжо паставілі першую ялінку
Калядна-навагодняе дрэва паставілі ў парку Паўлава, што ў Маскоўскім раёне.
14.11.2023 / 11:24
Фота: Blizko.by
Упрыгожылі досыць проста: серабрыстыя зорачкі, званочкі і сняжынкі. Плюс зялёныя і фіялетавыя шары. Вакол дрэва — стужка з віншаваннямі: «З Калядамі! З Новым годам».
Карагоды вакол яліны пакуль не водзяць, а вось падлеткі на яе фоне фатаграфуюцца досыць актыўна. Мабыць, робяць сюжэты для сваіх сацыяльных сетак.
Дарэчы, адзначана, што ў парку Паўлава традыцыйна рана ставяць навагоднюю ёлку. Напрыклад, тры гады таму яна ўжо была ў парку 3 лістапада, піша Blizko.by.