ZŠA i Ukraina chočuć arhanizavać pieramovy pamiž Zialenskim i Trampam
Tramp ciapier faktyčna kantraluje (praz respublikanskuju bolšaść) Pałatu pradstaŭnikoŭ Kanhresa ZŠA, jakaja błakuje vydzialeńnie srodkaŭ Ukrainie.
13.11.2023 / 06:57
Donald Tramp. Fota: Sue Ogrocki, AP
Kiraŭnik Ofisa prezidenta Ukrainy Andrej Jarmak prybyŭ u ZŠA ŭ składzie ŭkrainskaj delehacyi. Pra heta kiraŭnik Ofisa prezidenta napisaŭ u niadzielu ŭ svaim telehram-kanale.
«U składzie ŭkrainskaj delehacyi, jakuju ŭznačalvaje vice-premjerka Julija Śvirydenka, prybyŭ u ZŠA. Buduć sustrečy ŭ Biełym domie, Kanhresie, analityčnych centrach, z pradstaŭnikami hramadskich arhanizacyj. «Formuła miru» prezidenta, umacavańnie abarony Ukrainy, usiebakovaje pahłybleńnie supracoŭnictva i šmat važnych tem», — paviedamiŭ Jarmak.
Krynicy «Strany», blizkija da Ofisa prezidenta Ukrainy, paviedamlajuć, što adnym z hałoŭnych pytańniaŭ ciapier u adnosinach Kijeva i ZŠA źjaŭlajecca arhanizacyja pieramovaŭ Uładzimira Zialenskaha i Donalda Trampa.
Tramp ciapier faktyčna kantraluje (praz respublikanskuju bolšaść) Pałatu pradstaŭnikoŭ Kanhresa ZŠA, jakaja błakuje vyłučeńnie srodkaŭ Ukrainie.
«Na Bankavaj [rezidencyja kiraŭnika Ukrainy — NN] heta razumiejuć i tamu sprabujuć arhanizavać pramuju razmovu Trampa i Zialenskaha», — raspaviała krynica vydańnia.
Niadaŭna Uładzimir Zialenski admoviŭsia naŭprost adkazvać na pytańni žurnalistaŭ, nakolki jon zaniepakojeny mahčymaj pieramohaj na vybarach u ZŠA Donalda Trampa.
Pierad hetym Zialenski prapanavaŭ Trampu pryjechać va Ukrainu, adnak były prezident ZŠA admoviŭsia.