U Biełarusi moža źjavicca prafiesija «błohier»
U Minadukacyi kažuć, što zacikaŭleny, kab va ŭniviersitetach było jak maha bolš zapatrabavanych śpiecyjalnaściaŭ.
10.11.2023 / 09:54
Uład Bumaha — samy papularny biełaruski błohier. Na jaho jutub-kanał padpisana 48,5 młn čałaviek. Heta ŭ piać razoŭ bolej, čym nasielnictva Biełarusi. Fota: uznayvse.ru
Pakul ustanovy vyšejšaj i siaredniaj śpiecyjalnaj adukacy takoj śpiecyjalnaści nie navučajuć. Adnak, jak tolki prafiesija błohiera źjavicca ŭ adzinym kvalifikacyjnym daviedniku pasad słužačych Ministerstva pracy i sacyjalnaj abarony, prahrama navučańnia budzie raspracavana, paviedamlaje Minadukacyi.
Namieśnik načalnika Hałoŭnaha ŭpraŭleńnia prafiesijnaj adukacyi Minadukacyi Alaksandra Piatrova paviedamiła, što nacyjanalnaja sistema adukacyi vielmi ŭsprymalnaja da novych prafiesij.
«My zacikaŭleny ŭ tym, kab u nas było jak maha bolš zapatrabavanych śpiecyjalnaściaŭ, kab pryciahvać abituryjentaŭ. Kali jość popyt u pradpryjemstvaŭ, my adkryvajem novyja napramki», — skazała jana.